Npaj Mus Pov Ntawv Xaiv Tsa Nom Tswv
Txoj kev pov ntawv hauv cov kev xaiv tsa nom tswv yog koj lub cib fim ua kom cov nom tswv uas raug xaiv tsa hnov txog koj tej teeb meem, kom lawv mob siab rau lub luag hauj lwm thiab kom koj hais tau tej teeb meem tseem ceeb uas cuam tshuam rau koj lub zej zos. Npaj mus pov ntawv xaiv tsa nom tswv xwv koj thiaj muaj feem koom rau peb txoj kev muaj vaj huam sib luag.
Rau npe pov ntawv xaiv tsa los yog kho qhov koj rau npe thaum muaj tej yam hloov tshiab
Online
Yog yuav rau npe online, koj yuav tsum:
- Muaj cai raws li cov lus qhia tseg kom thiaj li rau tau npe thiab pov ntawv xaiv tsa tau nyob hauv Minnesota.
- Muab ib tus email qhov chaw nyob.
- Muab ib tus naj npawb uas qhia tau tias yog koj los ntawm koj daim npav tso cai tsav tsheb hauv Minnesota, koj daim npav ID uas Minnesota muab rau koj thiab plaub (4) tus lej kawg ntawm koj tus naj npawb Social Security.
Yog koj muab tsis tau ib qho chaw nyob email thiab ib qho ntawm cov naj npawb uas qhia tau tias yog koj uas muab teev los saum toj saud, koj yuav tsum rau npe rau ntawm ib daim ntawv. Koj tuaj yeem xa tau ib daim ntawv rau npe xaiv tsa nom tswv uas muab ua tiav txhij txhua mus rau Ramsey County Qhov Chaw Ua Hauj Lwm Xaiv Tsa Nom Tswv (Elections Office) uas yog xa hauv tsev xa ntawv mus los yog tus kheej nqa kiag mus. Tsis tas li ntawd koj kuj tseem rau tau npe nyob rau ntawm koj qhov chaw pov npav xaiv tsa (polling place) thaum Hnub Xaiv Tsa (Election Day), yog koj nqa ib daim ntawv uas qhia tau tias yog koj. Luam kom tau ib daim ntawv rau npe xaiv tsa (voter registration application) hom PDF los yog hu rau qhov Chaw Ua Hauj Lwm Xaiv Tsa Nom Tswv kom lawv xa ib daim tuaj rau koj.
Kev nrhiav neeg rau npe mus pov ntawv xaiv tsa nom tswv
Yog koj tsa muaj ib lub koob tsheej rau neeg tuaj rau npe xaiv tsa, koj tuaj yeem thov tau cov ntaub ntawv tuaj ntawm Minnesota Secretary of State's Office los yog hauv Ramsey County Elections. Muaj qee yam yuav tau paub xws li:
- Yuav tsum muab cov ntawv rau npe xa rov qab rau cov neeg tswj kev xaiv tsa tsis pub dhau 10 hnub suav txij hnub cov neeg xaiv tsa muab tso rau ntawm daim ntawv.
- Hnub rau npe ua ntej tsis pub dhau hauv Minnesota yog 21 hnub ua ntej qhov kev xaiv tsa xub thawj ntawm phav kas moos (primary election) los yog qhov kev xaiv tsa dav thoob teb chaws (general election). Cov neeg xaiv tsa uas xa daim ntawv ua ntej 5 p.m. uas yog tus kheej xa mus los yog ua ntej ib tag hmo yog xa online ua ntej 21 hnub ua ntej Hnub Xaiv Tsa (Election Day) yuav muab rau npe thiab muaj npe nyob rau ntawm Hnub Xaiv Tsa. Cov neeg xaiv tsa uas rau npe tom qab hnub tsis pub dhau no kuj tseem tuaj yeem rau npe tau thaum hnub xaiv tsa, uas yog nqa ntaub ntawv pov thawj nrog lawv thaum tus kheej tuaj mus pov ntawv/pov ntawv ntxov ua ntej los yog mus rau ntawm lawv qhov chaw pov ntawv xaiv tsa thaum Hnub Xaiv Tsa.
- Thaum sib txuas lus nrog tsoom neeg los yog cov neeg ua hauj lwm suav sau cov foos, koj yuav muaj ntaub ntawv uas qhia tau tias koj yog leej twg, xws li ib lub pob khawm (button) los yog tsho luv (t-shirt) uas muaj koj lub koom txoos lub npe nyob ntawd.