Cov chaw muaj kev pab txog kev noj qab haus huv
Cov ntaub ntawv uas ntseeg siab tau hais txog tus kab mob COVID-19, kev kuaj tus mob thiab yuav ua li cas yog tias koj mob.
Yuav Ua Li Cas yog tias Koj Muaj Tus Kab Mob COVID-19
Yog tias koj kis tau tus kab mob COVID-19, koj tuaj yeem kis mus rau lwm tus neeg txawm tias koj tsis muaj tsos mob los sis koj tau txhaj tshuaj tiv thaiv kab mob lawm los xij. Nws yog ib qho tseem ceeb kom cais koj tus kheej ntawm lwm tus (cais tus kheej) thiab ua raws li cov lus pom zoo hauv qab no.
Ntaub ntawv qhia paub txog kev kuaj thiab kev cais rau ib qho
Kev kuaj
Kev kuaj seb puas muaj tus mob COVID-19 yog ib qho pom zoo kom ua raws li qhov tau nyob ze ib tus neeg muaj tus mob, cov tsos mob, kev mus ntoj ncig thiab tej koob tsheej uas yuav ua rau kis tau tus mob.
- Lus Pom Zoo Rau Kev Kuaj Mob COVID-19
- Yuav Ua Dab Tsi Thaum Koj Nyob Tos Txais Qhov Kev Kuaj Mob COVID-19
- Kev Kuaj
Yog hais tias koj mob los yog kuaj pom tias muaj tus mob
Ntaub ntawv qhia paub tias yuav ua li cas yog hais tias koj tau nyob ze ib tus neeg muaj tus mob COVID-19 thiab yuav tau nyob twj ywm hauv tsev thiab nrug deb lwm tus (cais rau ib qho) los yog hais tias koj mob thiab kuaj pom tias muaj tus mob (cais mus nyob ib leeg). Kawm kom paub ntau ntxiv hais txog cov kauj ruam uas koj yuav tau ua tom qab tau nyob ze ib tus neeg muaj tus mob thiab yuav cais rau ib qho los yog cais mus nyob ib leeg ntev npaum cas.
Long COVID-19 mob ntev loo
Long COVID (kuj tseem muab hu ua tom qab mob tag lawm los sis post-COVID) yog thaum neeg tseem muaj cov tsos mob plaub mus rau ntau lub lim tiam tom qab kis tau tus kab mob vais las COVID-19. Cov cim thiab tsos mob tuaj yeem tshwm los tshiab, rov tshwm dua los yog tseem ua tsis tu ncua. Cov tsos mob tuaj yeem kav ntev loo mus rau ntau lub hlis thiab nws muaj qhov mob me ntsis mus rau mob hnyav heev.
Leej twg thiaj muaj qhov mob ntev loo long COVID?
Txhua tus uas tau kuaj pom tias muaj tus kab mob vais las COVID-19 yeej muaj tau qhov mob ntev loo long COVID, suav cov me nyuam yaus nrog tib si. Long COVID kheev pom muaj rau cov neeg uas muaj mob hnyav, tiam sis kuj tshwm sim tau rau cov neeg uas tsis muaj cov tsos mob los sis tsuas mob me ntsis xwb. Cov neeg txhaj koob tshuaj tiv thaiv kab mob tsis tshua pom muaj qhov mob ntev loo long COVID, tsis hais thaum twg lawv twb kuaj tau pom tias muaj tus mob COVID-19 los lawm.
Cov Tsos Mob
Tsis muaj ib qho kev kuaj twg uas kuaj tau tias muaj tus mob ntev loo long COVID, yog li qhov uas nkag siab koj cov tsos mob tseem ceeb heev. Long Covid cov tsos mob txawv neeg rau neeg. Txhua tus neeg tej zaum yuav muaj cov tsos mob nyias txawv nyias. Tham nrog ib tug kws kho mob yog koj tsis xis neej thiab koj cov tsos mob pheej cuam tshuam rau koj lub neej. Kawm ntxiv txog long COVID cov tsos mob.
Kev kho thiab kev pab
Cov kws tshaj lij rau kev kho mob tab tom tshawb fawb txog long COVID kom nkag siab zoo dua qub seb yog tshwm qhov twg los thiab nrhiav kev kho uas zoo. Yog koj muaj cov tsos mob rau long COVID, kev pab kho thiab kev txhawb tej zaum yuav muaj rau koj. Kawm ntxiv txog long COVID cov kev txhawb.
Ua tsis tau hawj lwm yeeb vim muaj long COVID?
MN RETAIN yog ib qho kev pab cuam tshiab uas muaj pab rau cov neeg ua hauj lwm uas mus ua tsis tau hauj lwm yeeb vim raug mob los sis muaj mob. Qhov kev pab cuam muab kev pab kom cov neeg ua hauj lwm muaj hauj lwm ua los sis rov mus ua hauj lwm sai li sai tau thaum lawm tseem tab tom pib zoo zuj zus.
- Hu 507-284-4537.
- Kawm ntxiv ntawm mnretain.com.
- MN RETAIN flyer.
Tau cov lus teb rau koj cov lus nug txog tus mob COVID-19.
Cov xov tooj los teb txog tus kab mob COVID-19
Minnesota tus xov tooj hu pab
Rau cov lus nug txog tus kab mob sib kis loj COVID-19.
- 833-431-2053 (Monday, Wednesday, Friday: 9 a.m. - 5 p.m., Tuesday, Thursday: 9 a.m. to 7 p.m.)
- mn.gov/findmyvaccine
Neeg thoj nam thiab neeg nkag teb chaws tus xov tooj hu hais txog COVID-19
- 651-318-0989 (Hnub Monday - Hnub Friday, 9 a.m. – 5 p.m.)
Minnesota Department of Human Services Resettlement Network
Ib tus xov tooj hu tau uas yog ua kom paub tseeb tias cov neeg thoj nam thiab neeg nkag teb chaws tau txais tej ntaub ntawv qhia paub txog tus mob COVID-19 kom raws sij hawm.
- Hu rau 651-318-0989 (Monday - Friday, 9 a.m. - 5 p.m.)
- Yog xav paub ntxiv (PDF)
Minnesota Department of Human Rights
Yog Muaj Kev Raug Saib Tsis Taus Tus Xov Tooj Hu Tau
Vev xaib
Cov vevxaib (websites) ntseeg siab tau uas muaj ntaub ntawv qhia paub txog tus kab mob COVID-19.
- Kab Mob Khaus Las Nas Vais Lav 2019 (COVID-19) - Minnesota Department of Health
- #StaySafeMN media in Hmong - Minnesota Governor's Office
- COVID-19 resources in Hmong - WellShare International
Pab them cov nqi pam cov neeg tuag rau tus kab mob COVID-19
Yog koj them rau cov nqi pam tus neeg tuag vim tus kab mob COVID-19, FEMA kuj yuav pab tau thiab. Tej zaum koj yuav muaj feem tau cov nyiaj pab them nqi pam tuag txog $9,000 tauj ib tus neeg.
Yog yuav ua ntawv thov
Hu rau FEMA’s COVID-19 Funeral Assistance Helpline ntawm 1-844-684-6333 (TTY: 800-462-7585). Muaj txij thaum 8 a.m. mus txog 8 p.m. Muaj txhais lus pab.