The Minnesota Pollution Control Agency has issued an air quality alert Monday morning, May 13, until 11 p.m., May 13. More information
Rov Ua Ntawv Thov Koj Qhov Kev Pab Them Nqi Kho Mob (Medical Assistance) Dua Tshiab
Contact us
Npaj kom txhij ua ntawv thov dua tshiab
Thaum lub sij hawm muaj tus kab mob COVID-19 sib kis loj, cov neeg tsis tas yuav tsum tau rov ua ntawv thov lawv qhov Kev Pab Them Nqi Kho Mob (Medical Assistance, MA) los yog MinnesotaCare dua tshiab. Tsam no tus kab mob sib kis tau los xaus lawm, cov neeg feem coob yuav tsum tau rov ua ntawv thov lawv qhov kev tuav pov hwm kho mob dua tshiab li ib txwm ua los.
Cov kev rov ua ntawv thov dua tshiab yog ua thaum lub hlis txwm nkaus ib xyoos txij thaum tus neeg muaj npe tau txais kev pab (enrollee) ua daim ntawv thov kev pab thawj zaug. Cov uas yuav tau rov ua ntawv thov dua tshiab yuav tau txais lawv cov ntaub ntawv li 60 hnub ua ntej hnub uas tsis pub dhau.
Nco ntsoov xyuas kom koj npaj txhij los ua ntawv thov koj qhov Kev Pab Them Nqi Kho Mob (Medical Assistance) dua tshiab no kom raws sij hawm kom txhob poob qhov kev pab them nqi kho mob rau koj. Koj ua tau qhov no los ntawm qhov mus saib Department of Human Services' website txhawm rau los mus:
Qhia paub txog cov kev hloov pauv ntawm koj qhov chaw nyob thiab tus xov tooj
Nws yog ib qho tseem ceeb kom peb tau koj qhov chaw nyob thiab tus xov tooj tshiab. Minnesota Department of Human Services yuav xa cov ntaub ntawv kom rov ua ntawv thov dua tshiab tuaj hauv tsev xa ntawv tuaj rau koj thiab ntaus ntawv (text) xa xov tuaj rau koj lub xov tooj thaum yog lub sij hawm rov ua ntawv thov koj qhov kev tuav pov hwm kho mob dua tshiab lawm.
Yog koj muaj ib qho hloov pauv tshiab ces hu ncaj qha rau koj daim phiaj muab qhov kev pab cuam kho mob (health plan).
Saib koj daim phiaj muab kev pab cuam kho mob (health plan) tus xov tooj uas hu pab cov tswv cuab
- Yog koj tsis muaj ib daim phiaj muab kev pab cuam kho mob (health plan), hu rau fab kev pab ntsig txog nyiaj txiag (Financial Assistance Services) ntawm 651-266-4444.
- Yog koj muaj MinnesotaCare, hu rau DHS Health Care Consumer Support ntawm 651-297-3862 los yog 800-657-3672.
Tau kev pab thaum koj rov ua ntawv thov dua tshiab
Nws muaj ntau cov kev xaiv uas koj ua tau kom tau kev pab thaum koj rov ua ntawv thov dua tshiab.
- Hu rau koj daim phiaj muab kev pab cuam kho mob (health plan)
- Nrhiav ib tus neeg pab hauv zej zos MNsure Navigator.
- Hu rau Ramsey County Financial Assistance Services ntawm 651-266-4444.
- Mus rau ntawm ib qhov chaw muab kev pab Service Center kom tau ib tus neeg pab koj.
Xa los yog nqa koj cov foos rov thov dua tshiab mus pov rau ib qhov chaw
Nws muaj ntau cov kev uas koj ua tau los mus xa koj cov foos uas twb muab ua tiav tas lawm.
- Rub (upload) los yog yees duab koj cov ntaub ntawv xa mus uas yog siv qhov DHS document upload tool.
- Email cov foos mus rau [email protected].
- Fax cov foos mus rau 651-266-3934.
- Nqa cov foos mus pov rau hauv cov secure county drop boxes.
- Muab cov ntaub ntawv tso rau hauv lub hnab ntawv uas muab tuaj rau koj, them tus nqi xa (postage) thiab muab tso rau hauv kev xa ntawv. Los yog xa cov foos mus rau Financial Assistance Services, 160 E. Kellogg Blvd, St. Paul, MN 55101.
Kawm seb koj puas txais tau qhov rov thov dua tshiab tsis tas nrog ib tug neeg tham
Federal Medicaid xav kom cov xeev sim ua qhov kev rov thov ntawv pov hwm kho mob tshiab uas nws ua nws xwb tsis nrog ib tug neeg tham (automatically renew) rau cov neeg uas tam sim no tseem muaj npe hauv ib qhov khej (case) qheb uas mus txheeb tau cov nyiaj nws tau los saum huab suam cua ua ntej xa cov ntaub ntawv rov thov dua tshiab tuaj rau nws ua thiab thov ntaub ntawv ntxiv los ntawm tus neeg muaj npe.
Qhov kev rov thov dua tshiab yooj yim no muab hu ua “ex parte” los sis txoj kev “auto renewal”
- Lub Minnesota Eligibility Technology System (METS) yuav nqis tes ua qhov rov thov dua tshiab uas nws ua nws (auto renew) thiab txiav txim seb qhov Medical Assistance rau cov tsev neeg uas muaj me nyuam thiab cov neeg muaj hnub nyoog uas tseem tsis tau muaj txij nkawm puas ua tau tiav los sis yuav tau ua thiab xa daim ntawv rov thov dua tshiab tuaj los txiav txim seb puas tsim nyog txais kev pab ntxiv.
- Lub nroog cov neeg ua hauj lwm txheeb xyuas nyiaj txiag yuav sim los ua qhov rov thov Medical Assistance dua tshiab rau cov neeg uas muaj hnub nyoog 65 xyoos thiab tshaj saud, nrog rau cov dig muag los sis cov uas xiam oob qhab thiab muaj raws li tej co kev uas tsim nyog txais tau qhov rov thov dua tshiab uas nws ua nws (autorenewal).
Tej zaum koj yuav muaj feem txais tau qhov kev rov thov dua tshiab nws ua nws (autorenewal) yog koj muaj raws li cov hais hauv qab no.
Cov neeg ua hauj lwm txheeb xyuas nyiaj txiag mus muab tau koj cov nyiaj uas koj tau los saum huab saum cua siv los ua pov thawj los ntawm:
- Social Security Income.
- Retirement, Survivors, thiab Disability Insurance.
- Railroad Retirement Benefits.
Koj tseem tab tom muaj npe hauv cov kev pab cuam no:
- Cov neeg muaj npe txais Medical Assistance los ntawm Minnesota Family Investment Program (MFIP).
- Cov neeg muaj npe txais Medical Assistance los ntawm Supplemental Nutrition Assistance Program (SNAP) los sis EBT.
- Cov neeg muaj npe txais qhov Medical Assistance uas txais tau cov kev pab hauv Long Term Care, cov neeg uas cov nyiaj muab tau los saum huab saum cua siv los ua pov thawj los sis feem ntau tsis hloov ntau.
- Cov neeg muaj npe txais Medical Assistance uas txais tau cov kev pab hauv Long Term Care, cov uas tsuas siv txoj kev pab kho mob tsis kim thiab cov nuj nqis rau cov kev pab zam los sis txo kom tus nqi tsawg kom thiaj ua tau raws li qhov nws them taus rau kev kho mob (spenddown).
- Cov neeg muaj npe txais Medical Assistance hauv qhov kev xaiv TEFRA.
- Cov neeg muaj npe txais Medical Assistance uas tsis muaj nyiaj qhov twg los kiag li.
- Cov neeg muaj npe txais Medicare Savings Program.
Ua ntawv thov Kev Pab Them Nqi Kho Mob (Medical Assistance)
Contact Us
Program Information
Toll free: 1-833-956-0693
Hours: 8:30 a.m.-3:30 p.m.
121 7th Place East
Suite 2500
Saint Paul, Minnesota 55101
EZInfo
24/7 automated phone line that provides information about financial assistance programs in English, Español, Hmoob, Soomaali and Karen.